熊貓的竹廬

由小學說到畢業~

BD01 | 3rd Oct 2011 | 逸事 | (27 Reads)

2011年6月6日, 是端午節假期, 也是星期一.

有趣的, 是很多朋友都約在這短短2天半假期裡食飯...差一點我就連續3天外食了.

這些朋友應酬...讓我有很大反思...特別係對"友誼"二字...這些同學朋友, 圍繞在不同時代.

我很想由小學說起.

小學不是什麼大學校, 只有一層.6個課室. 設計上是一所村校. 長方形的土地, 有著L型的課舍.L形中間的...是一個籃球場. 學校很細, 所以老師不多. 畢業後十多年, 回校時, 班主任還記得你的名字.

小學同學中...有幾個我還有很深印象. 有一些是成績上的對手, 有一些是放學後打機友. 有一班是四驅車粉絲.但對我來說....小學就是放學, 去圖書館, 去行模型店, 回家做功課. 放假就到朋友家...由九點打機打到五點...正!

這是多麼簡單的友誼.

小學畢業後...這些朋友沒有幾多個還有聯絡, 只有2個. 一個是我的老友, 死黨. 他為我帶來了人生幾樣最重要的興趣...GUNDAM, BB戰士, EVA, 重有...打機.

另一個也是我很珍惜的朋友...他學壞過, 也變好了, 也成了我朋友中第一個有車有樓但中學未畢業的人. 無可否認...佢係一個好聰明的人.

.............................

(閱讀全文)

留言(1) | 引用(0)

做牛做馬一年多...感觸

BD01 | 2nd Dec 2010 | 生活見證 | (84 Reads)

小時, 自覺比身邊人成熟一點, 想早一點出來打工賺錢. 家窮, 連玩具都係人地送, 表哥唔要俾我的.

高中開始發覺, 身邊的事唔係咁簡單...同學會口裡和你說:"唉...死硬啦, 我無溫書."
自以為多一個朋友一齊死, 點知...死的只有我, 那種人分數卻總是above average.

到Asso...知道一種更可怕的人.
上lecture唔見人,上tutorial唔見人, group project唔做野...但考試卻是A+的人.
呢種人, 我真係估佢唔到... 大家日做夜做assignment,佢就等source抄...竟然可以A+..

Degree都係差唔多...平時唔做野,考出來好成績的人, 原來通街都係.勤力的..只係牛一隻.

這根本和打機一樣...找到遊戲中的BUGS, 就個個都走晒去行short cut..
無人會, 也無人願意同你呢條傻仔行返條正路.

(閱讀全文)

留言(1) | 引用(0)

"一個心, 一個受"

BD01 | 2nd Nov 2010 | 生活見證 | (58 Reads)

今天聽SAMMI的"愛"...更加感動.

我記得我係老豆入院時問上帝,點解要我一次又一次經歷這種事呢?

等了又等, 老豆終於出院,返到屋企等做手術. 本來就是一件很開心的事.

當老豆出院時,我最想念的,係一家人開開心心食餐飯.

誰知朋友為我搞的生日飯霸了我足足一個星期的SCHEDULE.

連我阿媽都要SEND SMS俾我:"阿仔, 很久不見.."

老豆出院後的整個星期都沒有回家一家人食飯. 真不孝.

......

(閱讀全文)

留言(1) | 引用(0)

世事無常

BD01 | 15th Oct 2010 | 生活見證 | (65 Reads)

下星期一我就生日(18/10)啦, 約左女友係星期五(15/10)請一日假去澳門玩, 打算開心一番. [朝去晚返]

話說14/10晚, 在公司的HAPPY HOUR中, 抽中了超級大獎, 原本是屬於同事的no. 因他早走送給我去抽獎, 結果就中了...$4550的獎金, 令我開心了一晚.

今天, 15/10, 6點起身出發去坐船, 遲了一點, 由上環地鐵站就開始跑,跑去碼頭, 7:55才去到碼頭,職員唔俾上船, 好在船公司老闆行過, 俾我地坐9點船.真係感恩.

去到澳門, 去了出名的威尼斯人...看了那條假的河, 真係幾靚.

慢慢就行左去食野, 食左好出名的蟹粥, 貴左少少,但好好食.

點知, 食食下...果時12:50, 阿媽打來話老豆入左院....心情沉了很多, 結果要改行程.

5點鐘船返香港變左4點...但重有少少時間, 最後去左一個叫"荷蘭園"的地方.

路程真係..."荷蘭"遠, 坐完巴士, 重要上山, 有大斜路, 上了又上...上到山, 在燈塔上影了影相, 女友見我心情差都在安慰...

落山飲左杯紅豆冰就想法子返碼頭...果時3pm.

問人之下, 坐了巴士返港澳碼頭, 再轉坐富貴巴返威尼斯人...果時係3:45pm.
為左令女友無咁急, 我祈完禱就話一定趕到GA!~

之後飛去坐的士返另一邊的碼頭.

果時,3:55pm...根據早上的經驗,好有機會坐唔到....我已經講算啦, 唔好趕啦, 反正都趕唔到. 但女友堅持要去試下. 就當買個機會.

救命啊上帝...7:30pm前我要返上水睇我老豆啊.....

在的士上有電視..我看到......

(閱讀全文)

留言(1) | 引用(0)

感謝神

BD01 | 13th Oct 2010 | 生活見證 | (42 Reads)

我要感謝神, 因我有手有腳, 可自食其力, 更有力養家.

我要感謝神, 因我有父母, 養我肓我, 三餐溫飽, 支持我行每一步.

我要感謝神, 因我有一雙巧手, 砌出靚靚的模型, 親手完成每樣困難.

我要感謝神, 因我有一雙腳, 可行可走, 一步一步跑下人生路.

我要感謝神, 因我有一把口, 說好話讓我認識眾多朋友, 食盡南北.

我要感謝神, 因我有一個頭腦, 懂計數懂計劃, 令我考上大學.

我要感謝神, 因我大學畢業後, 進了一間不錯的公司, 前路光明.

我要感謝神, 因我有份好工作, 夠使用還可以儲錢.

我要感謝神, 因我幾個好上司, 給我學習機會, 讓我學懂工程的智慧.

我要感謝神, 因我的工作充滿挑戰, 從不刻板.

我要感謝神, 因我活了快25年, 仍然充滿生命力.無大病無痛苦.

我要感謝神, 因祂天天照料我, 令我從不缺乏.

我要感謝神...

(閱讀全文)

留言(0) | 引用(0)

言不及嘴已回頭

BD01 | 4th Oct 2010 | 逸事 | (45 Reads)

返工只係一年多...自己變得好似複雜左..
我發覺越來越多野係唔講得,
唔可以係某D人面前講, 更加唔開始係Facebook對住咁多同事,朋友講..

人誰無錯? 我唔敢話有權去批評人, 因我怕我當面批評人時, 人地同樣批評我.

工作上, 見到好得閒的, 返返下工去左吸煙的, 準時走頭也不回的,自己唔做俾左人做的同事.
又見到三日唔埋就打來煩我的, 唔係佢做但佢又要理的, 三四個車輪戰咁打來嘈的Client.
重有下屬返九放九都唔滿意, 自己七天工作就同後生一輩話:"你地後生, 辛苦D都值得.",辛勞工作也要員工一模一樣的老闆.

朋友間...搞極活動都係一兩個搞手負責, 叫人幫手係浪費時間的, 自己動手做就最快.
我真係唔明...SMS, MSN, FACEBOOK同電話...做齊晒都重可以有人唔覆的. 真好野.

係乜野地方都可以有唔順眼的事..

係FACEBOOK打一句少少的說話, 總係有D人唔LIKE, 係要打兩句野來BAN你IDEA.

想了想...現代人越多方法表達自己,
到頭來越難表露人真正的心意..

(閱讀全文)

留言(1) | 引用(0)

2X年來第一個唔洗返學的九月

BD01 | 29th Sep 2010 | 逸事 | (64 Reads)

前言..

2010年8月尾...Bridge Erection Works...算係一個好好的經驗.

自完成龍頑駄無之後都無出日記..四獸王再生計畫50%.

第一隻: 隼

第二隻: 龍

算係唔錯

呢排好多野想講...但, 又唔敢同朋友傾..

BLOG比起FACEBOOK同網上傾計, 論壇等都有一個好處..
想寫乜就乜, 同事,朋友,教會弟兄姐妹都睇唔到/搵唔到.

返左一年工...感覺自己真係大個仔了.廿幾歲人...

呢個九月有好多新的想法..

圍繞的野都係: 家庭,工作,朋友,模型,玩具,拍拖

1. 工作的壓力不是來自客人,不是來自上司...係來自自己. 客人再麻煩, 上司再挑剔, 你都可以唔理....係自己對工作有承擔,有責任,上心的感覺來. 客觀來睇, 都係幾好的.

2. 同一家大學畢業同科同年畢業, 入埋同一家公司, 做的野, 學的野, 返工放工時間都好唔同. 我開始覺得...我想再進步一下, 唔想被比下去,要繼續係事業上發展下.

3. 砌模型的樂趣相對之下少左好多...而家的興趣竟然係睇書. 看書, 學到的野真係好多...可能, 係時候賣左D一世都無機會砌完的模型了. 有生以來第二次...上一次係大學無錢的時候, 今次係...返工搵到錢之後.但...最少都要完成四獸王, 這是夢之一

4. 唔砌模型...但買模型玩具仍然係最大樂趣. 今個月入左第一隻限定...

Robot魂 EVA00 改...好正啊第時的玩具櫃應該好FULL...

繼續..

(閱讀全文)

留言(1) | 引用(0)

Pandy Happy @ 2005

BD01 | 28th Sep 2010 | 上莊回憶錄 | (44 Reads)

From http://whkn2.xanga.com 2005/11/13
好得意...所以好想COPY返過來^^

====================================================

第一次喜歡上這類可愛東西....

為什麼呢?....我其實一直都鐘意熊貓....好鐘意的...可能大家唔發覺.

也十分喜歡可愛的東西....[但我唔係妹控的]

第一次見到佢...應該係今年5月時....和她一起去到黃埔的大眾書局...見到PandyHappy的Memo....我說很喜歡的...她便買了來送給我...

Pandy Happy對我來說...就代表了她對我的感情...

Pandy Happy看似很普通的,只是單純的可愛東西而已....但..我總覺得它的內裡有更深層的意義....每樣它的Product上....除了熊貓....還有一句句子...我最喜歡的一句"What do you have in your hands?"...好像是在說...你的手裡其實是有無限的可能...是有無限的力量....每次當做功課做到想死的時候...看到Pandy Happy,問著自己"What do you have in your hands?"的時候...都會振作起來...因我知道...我手中有的是力量....

Pandy Happy的作者在San-X的官網,說了Pandy Happy的背景...是一隻熊貓帶著皮箱,四處旅行,為了尋找世界各地的四葉草......我反而覺得....它是帶著一大箱的四葉草去送給世界各地的人呢.....將幸運帶給大家呢.

.....不知不覺...自己都已經儲了不少Pandy Happy的東西了..不少是她送的,也有一些是自己買的,還有朋友送的...俾大家睇下我屋企的Pandy Happy吧